Kezdesý barysynda ekijaqty ǵylymı yntymaqtastyqtyń jańa kókjıekterin ashatyn yntymaqtastyq týraly memorandýmǵa qol qoıyldy. Qujat keń aýqymdy baǵyttardy qamtıdy: ǵalymdar almasý, birlesken zertteýler júrgizý, qysqa merzimdi saparlar uıymdastyrý, birlesken jarııalanymdar shyǵarý, zertteý jelilerin qurý, ınnovasııalyq ázirlemelerdi ilgeriletý, sondaı-aq etnologııa men tarıh salalaryndaǵy birlesken bastamalar.
Ulttyq ǵylym akademııasynyń Prezıdenti Aqylbek Aqylbek Kúrishbaev óziniń quttyqtaý sózinde 1946 jyly uly qazaq ǵalymy Qanysh Sátbaevtyń bastamasymen qurylǵan Akademııa búginde elimizdiń ıntellektýaldyq ortalyǵy bolyp tabylatynyn atap ótti. 2024 jylǵy jeltoqsanda Akademııa Qazaqstannyń joǵary ǵylymı uıym mártebesine ıe bolyp, ulttyq ǵylym, tehnologııa jáne ınnovasııany damytý júıesindegi mańyzdy rólin taǵy da aıqyndady.
«Akademııa mıssııasy — ǵylymı progrestiń flagmany bolyp, memlekettiń strategııalyq basymdyqtaryn qalyptastyrý jáne iske asyrý, ǵylym, bilim men óndiristi biriktirý arqyly Qazaqstannyń ǵylymı-tehnologııalyq egemendigin qamtamasyz etý», — dep atap ótti A.Kúrishbaev. Sondaı-aq XXI ǵasyrda ǵylym shekara tanymaıtynyn, al onyń jetistigi yntymaqtastyqqa, tájirıbe almasýǵa jáne jahandyq syn-qaterlerge birlesken sheshimder tabýǵa qabilettilikpen anyqtalatynyn aıtty.
Taraptar aıqyndaǵan negizgi yntymaqtastyq baǵyttaryna mynalar kiredi: agrarlyq sektordaǵy birlesken zertteýler men jobalar, jasandy ıntellekt qoldanylatyn «aqyldy» aýyl sharýashylyǵyn damytý, klımattyń ózgerýimen kúres jáne gıdrotehnıkalyq ınfraqurylymdy damytý, jańa sorttar men tuqymdardy seleksııalaý, jańartylatyn energetıka, mıneraldar óndirý, kvanttyq tehnologııalar, kıberqaýipsizdik, sondaı-aq etnologııa, arheologııa jáne tarıh salasyndaǵy zertteý bastamalary.
Polsha ǵylym akademııasy — 1952 jyly qurylǵan Polshadaǵy eń iri ǵylymı mekeme, ol 70-ten astam ınstıtýt pen ǵylymı ortalyqty biriktiredi. Akademııa ǵylym men halyqaralyq yntymaqtastyqty damytýda mańyzdy ról atqarady, onyń Prezıdenti, professor Marek Konarjevskıı — halyqaralyq ǵylymı jobalarda úlken tájirıbesi bar tanymal ǵalym.
О́z sózinde professor Konarjevskıı Polsha tarapynan birlesken zertteý jobalaryn, bilim berý taǵylymdamalaryn jáne almasý baǵdarlamalaryn júzege asyrýǵa daıyn ekenin, onyń ishinde turaqty damý, ekologııa, ınnovasııalyq tehnologııalar jáne mádenı murany saqtaý baǵyttaryn qamtıtynyn atap ótti.
Polsha delegasııasy Sh.Ýálıhanov atyndaǵy Tarıh jáne etnologııa ınstıtýty, Á.Marǵulan atyndaǵy Arheologııa ınstıtýty, Q.Sátbaev atyndaǵy Geologııalyq ǵylymdar ınstıtýty, Botanıka jáne fıtoıntrodýksııa ınstıtýty jáne Qazaqstan Respýblıkasynyń Ortalyq memlekettik mýzeıiniń jumysymen tanysty.
PǴA delegasııasy quramynda: professor Marek Konarjevskıı (PAN Prezıdenti), professor Arkadıýsh Novak (Povsındegi Botanıkalyq baq dırektory), professor Iаroslav Stolarskıı (Paleobıologııa ınstıtýtynyń dırektory), professor Anna Vysoskaıa (Geologııalyq ǵylymdar ınstıtýty dırektorynyń ǵylymı jumystar jónindegi orynbasary), doktor Katajına Koshch-Ryjko (Arheologııa jáne etnologııa ınstıtýty), doktor Anna Plater-Zıberk (Halyqaralyq yntymaqtastyq bıýrosynyń dırektory), Polshanyń Almatydaǵy Elshiliginiń Bas konsýly Darıýsh Shevchyk myrza bar.
Bul kezdesý Qazaqstan men Polsha arasyndaǵy ǵylymı jáne mádenı yntymaqtastyqty nyǵaıtýdyń mańyzdy qadamy bolyp tabylady, ol aldaǵy ýaqytta birlesken jumys pen ózara jobalardy damytýǵa jańa múmkindikter ashady.Qol qoıylǵan Kelisim ǵylymı qoǵamdastyqqa ǵana emes, keń qoǵamǵa da eleýli nátıjeler ákeletin ekijaqty bastamalardyń damýyna qýatty serpin beredi.
ALMATY
